GENERAL SANTOS CITY – Subli nga nagpaklaro si Geraldine Zamora, division head sa Business Permit and Licensing Division (BPLD)nga gidili gihapon ang paggawas sa balay sa 18 anyos paubos.
Kini ang ilang namatikdan sa dihang nag-inspection ang ilang grupo sa mga resort.
Gawas pa niini ilang namatikdan nga daghan ang wala gasunod sa social distancing og may resort pa nga walay temperature check.
Gibutyag pa niini nga walay listahan sa mga customers og wala gipangita ang enhanced quarantine pass (EQP).
Sa iyang pamahayag nga kini ang rason nganong gibutngan og red badge ang ubang mga resort sa syudad.
Matud pa ni Zamora nga lisod nga magpahigayon og contact tracing kung walay logbook o wala gi-check ang EQP .
Ang iyang apila sa mga tag-iya sa mga establismento nga sundon ang mga patakaran gumikan alang usab sa tanan.
Kahibaluan nga ang dili gayud magtuman sa maong kamanduan ang dili na i-renew ang ilang business permit.
