Subling nakahimo ug triple-double performance si NBA superstar Lebron James dihang midaug ang Los Angeles Lakers kontra Philadelphia 76ers.
Napasulod ni Lebron ang 21 points, 12 rebounds, 13 assists sulod sa 34 minutos nga pagdula.
Gipangunahan usab sa bigman Anthony Davis ang opensa sa Lakers ug nakapasulod ug 31 points.
Sa naasoy nga dula gipasulod ang kanhi starter nga si D’Angelo Russell gikan sa bench apan nakahimo ug 18 points sulod sa 25 minutos nga dula.
Gumikan niini nalubong sa pito ka kapildihan ang Sixers, samtang nagpabilin nga usa ang daug sa team.
Hangtud karon wala pa makadula si Sixers star ug 2-time MVP Joel Embiid samtang wala usab makaya nilang Paul George ug Kyle Lowry nga mapadaug ang team.
Sa naasoy nga dula nalimitahan lamang sa siyam ka puntos si George samtang 5 points lamang ang nahimo ni Lowry.
Gigamit sa mga Lakers player ang ilang height advantage aron palisdan ang Sixers .
