-- ADVERTISEMENT --
GENERAL SANTOS CITY – Gikatakdang moabot sa Pilipinas ning adlawa, ang patayng lawas sa tulo ka Overseas Filipino workers (OFWs) nga namatay sa sunog sa Kuwait.
Matud sa hepe sa Overseas Workers Welfare Administration nga si Arnel Ignacio nga gimando ni President Ferdinand “Bongbong” Marcos Jr. ang maong lakang.
Gibutyag usab ni Migrant Workers Secretary Hans Leo Cacdac nga unom pa ka OFW ang luwas nga nakatakda usab nga e repatriate samtang duha pa ang nagpaalim pa sa tambalanan.
Sa pikas bahin, naghatag na ug tabang ang gobyerno sa India sa mga pamilya sa 45 ka Indian nga namatay usab sa maong sunog.
Sa inisyal nga imbestigasyon gitumbok nga short circuit ang hinungdan sa sunog sa dormitoryo sa mga trabahante.
-- ADVERTISEMENT --
