Malipay kita kung makadawat og regalo sa unsa man nga okasyon.
Apan unsa bay bation ninyo kung makakita kamo og regalo nga gihatag sa inyuha pipila ka tuig na ang milabay apan wala madawat.
Usa ka butang ang nakita ni Tim King sa CR sa balay sa iyang mga ginikanan dihang mag-renovate siya.
Singkwentay-tres anyos na si Tim og residente sa Lombard, Illinois og panag-iya niya ang usa ka construction services.
May medicine cabinet sa CR nga gitangtang niya og ang iyang mga trabahante una nila gi-drywall.
Nahunahunaan niya nga tan-awon pagmaayo ang parte sa mga dingding aron masiguro nga walay unsa mang nahulog.
Mao na lamang ang kakurat niya dihang makita ang usa ka nakabalot nga Christmas gift.
Karaan na kaayo ang gigamit nga Disney-themed wrapping paper.
Para sa iyaha ang eregalo nga angayang nadawat ug naablihan niya niadtong Pasko niadtong 1978.
Nakasulat ang pangalan ni Tim King sa Christmas gift nga angay unta nadawat niya niadtong 1978.
Nasuta nga nahulog diay sa dingding ang Christmas gift hinungdan wala na kini nahatag kang Tim niadtong 1978, kung kanus-a 6 anyos pa lang siya kaniadto.
Nasuta nga ang unod sa maong regalo mao ang Matchbox toy airplanes nga makonsidera ng ‘vintage’ ang maong dulaan.
Wala usab mahinumdoman sa iyang inahan kung kini ang mipalit kaniadto sa dulaan nga iregalo unta kaniya.
