-- ADVERTISEMENT --
Naaresto na sa otoridad ang laing suspek sa pagpabusikad ug bomba sa Mindanao State University (MSU)-Marawi City bombing kaniadtong Desyembre 2023.
Matud ni Lanao del Sur Police Provincial Office Director, PCol. Robert Daculan nga ang suspect giila nga si alias “Lapitos” ang nadakpan nakalabay nga adlaw sa Barangay Maria Christina, Iligan City, Lanao del Norte.
Kahinumduman kaniadtong December 3, 2023, upat ka mga tawo ang namatay samtang 57 ang naangol sa pagbuto sa improvised explosive device atul sa gipahigayon nga Misa sa Dimaporo gymnasium sulod sa compound sa MSU Marawi.
Tulo ka adlaw human ang insidente naaresto ang usa sa suspek nga si Jafar Gamo Sultan, sa Barangay Dulay Proper, Marawi City.
