GENERAL SANTOS CITY – Gisaway ni Labor Secretary Bienvenido Laguesma ang pagkaapil sa Pilipinas sa listahan sa International Trade Union Confederation’s top 10 worst countries for workers.
Matud ni Laguesma, dili kini makaangayon ug wala gasalamin sa kasamtangang sitwasyon sa nasud.
Gikadugang sa kalihim, makasubo ug dili madawat ang gihatag nga rating sa ITUC sa nasud kung asa gihatagan niini ang Pilipinas ug rating nga 5.
Gibutyag usab sa ITUC ang red-tagging ug pagpatay sa Filipino labor unionist, lakip silang BPO Industry Employee Network organizer Alex Dolorasa ug Kilusang Mayo Uno (KMU) organizer Jude Thaddeus Fernandez nga giingong ang pagpatay sa duha ka inila nga unionist ang nagmugna ug kahadlok ug pagpakahilum sa tingog sa mga mamumuo.
Gikwestyon usab ni Laguesma ang gikatahao nga kakulangon sa access sa katungod sa mga trabahante.
Gipaklaro usab ni Laguesma nga ang naasoy nga kaso ang dili paigo aron iapil ang Pilipinas sa listahan sa worst countries.
