Usa ka kompanya sa China ang giakusahan sa dili patas nga mga gawi sa pagtrabaho human gibalhin ang ilang opisina sa usa ka hilit nga bukid aron pugson ang mga empleyado nga mo-resign!
Nakurat ang mga empleyado sa wala hinganli nga advertising agency sa Xi’an City, Shanxi Province human kini mipahibalo nga ang ilang opisina mobalhin sa kabukiran. Ang bag-ong lokasyon sa opisina anaa sa Qinling Mountains, tulo ka oras ang gilay-on gikan sa Xi’an City.
Gawas nga layo kaayo, limitado ang pampublikong transportasyon nga masakyan aron makaabot didto. Kon wala kay kaugalingong sakyanan, kinahanglang mosakay ka ug bus nga mobiyahe lang katulo sa usa ka adlaw.
Pagkahuman sa pagkanaog sa bus, kinahanglan nga maglakaw tulo ka kilometro paingon sa opisina.
Human sa pipila ka adlaw nga mga empleyado nga nagtrabaho sa maong buhatan, ilang nahibaw-an nga ang maong buhatan kulang sa basic amenities ug kinahanglang moadto pa sa sunod nga lungsod aron magamit sa hustong paagi ang kasilyas sa mga babaye.
Daghan usab ug mga bitin mga suroy nga iro sa maong dapit ug delikado ang paglakaw sa gabii kay way tarong nga streetlghts.
Kadaghanan wala magdugay ug 14 sa 20 ka mga empleyado niini ang ni-resign.
Upat ka adlaw human ni-resign ang 14 ka mga empleyado, gibalik dayon sa ad agency ang opisina sa Xi’an City ug nangita sila og bag-ong empleyado.
Matod sa usa sa mga empleyado nga ni-resign, tuyo nga ibalhin ang opisina sa usa ka hilit nga dapit aron mo-resign ug makadaginot sa paghatag og severance pay.
Kini nga insidente nahimong viral sa Chinese netizens ug nag-awhag sa mga kanhi empleyado sa pagpasaka og kaso. Sa pagkakaron, pending pa kung mokiha ba sila.
