GENERAL SANTOS CITY – Nabalik na didto sa Toril, Davao City ang katorse anyos nga babaye nga giingong biktima sa pagpangdagit.
Matud ni Police Major Ian Bagot nga ilang gihatud sa Toril Police Station ang wala gipanganlan nga babaye ug ang Chief Investigator ang midawat ug mipirma sa turn over papers isip pamatuod nga nabalik sa lugar ang nahisgutang menor de edad.
May pagtugot matud pa kang PNP OIC City Director Col. Paul Bometivo nga ihatud ang nahisgutang menor de edad.
May problema matud pa sa ilang lugar ang katorse anyos busa naawhag nga musakay sa usa ka sakyanan paingon sa dakbayan.
Matud sa opisyal nga managlahi ang pahayag sa nahisgutan nga una gihadlok pinaagi sa pagti-on ug armas apan sa ikaduha giawhag matud pa nga musakay sa sakyanan.
Gani posebling karong adlawa mukuha sila sa kopya sa cctv sa duol nga mga establisemento sa Santiago Boulevard aron makuha ang plate number sa maroon adventure nga gisakyan sa duha ka lalaki.
Una ng gipaklaro sa kapulisan nga dili tinuod ang balita nga adunay kulay puti nga van nga gapangdagit ug bata.
Gani ginaberipika usab nila ang mga post sa social media ug natumbok na ang uban kanila nga gani nangayu na matud pa ug pasaylo human miangkon nga mugna mugna lamang ang ilang gi-post.
