GENERAL SANTOS CITY – Medyo nahilom matud pa ang kaso sa extortion sa mga rebelde ngadto sa mga kandidato sa area sa kabukiran sa Sarangani.
Matud ni Lt. Daryl Cansancio, tigpamaba sa 73rd Infantry Battalion Philippine Army, wala silay nadawat nga report o reklamo gikan sa mga kandidato sa umaabot nga eleksyon kalabot sa extortion sa ilang area of responsibility.
Sumala pa nga kini tungod wala usay natala nga mga susamang kalihukan sa mga rebeldeng NPA nga gibanabanaang anaa na sa duha na ka bulan, nga gituuhang gumikan sa walay undang nga pagpatrolya sa mga kasundaluhan alang sa pagmomintor sa mga walhong grupo.
Dungan niini, gipasalig matud pa ang kasundaluhan nga mamahimong luwas, hapsay ug matinud-anon nga pagpahigayon ug eleksyon sa tibuok nasud.
Samtang, giawhag ni Lt. Cansancio ang tanan nga magtinabangay ang tanan, magmakalmahon atul sa piniliay ug pili-on gayud sa mga botante ang mga kandidato nga alang kanila maoy matinud-anon ug muserbisyo ug insakto.
