-- ADVERTISEMENT --
GENSAN – Mas ubos ang kaso sa dengue gikan Enero hangtod Nobyembre 25 ning tuiga ikumpara sa miaging tuig sa samang panahon.
Subay sa datos nga gipagawas sa City Epidemiology and Survielance Unit sa City Health Office- Gensan, mas ubos ug 22% kon anaa sa 2114 ang dengue cases ang natala kumpara niadtong 2024 nga adunay 2,707 ka kaso.
Sa 2,114 ka kaso sa dengue sa GenSan, anaa sa 2,058 kon 97% sa mga pasyente ang nadala sa ospital samtang 527 kon 25% lamang ang nakumpirma sa laboratoryo.
Labing bata nga nagsakit og dengue nag-edad og unom ka bulan samtang 91 anyos ang pinakatigulang, ug mga lalaki ang kadaghanan sa nagka-dngue.
Ang barangay Calumpang ang nagtala sa labing daghang kaso sa syudad nga miabot og 289 ka pasyente.
-- ADVERTISEMENT --
