GENERAL SANTOS CITY – Misibat na matud pa sa Zamboanga ang kapuyo sa 30 anyos nga babaye nga nakaplagang patay nga may ginolgolan sa liog.
Kini ang nahipos nga impormasyon sa mga sakop ni Police Capt. Helbron Ocoren sa Fatima Police station kalabutan sa pagkakaplag patay sa nagpangalan ug Veronica Ejusa Devera nga taga Purok 19 extention Bayanihan Fatima ning syudad.
Nag-away matud pa ang duruha human nakigbulag ang babaye nga gikasuko sa suspek hinungdan nga gigolgolan sa liog.
Mismong mga silingan sa biktima ang natingala sa pagpunay ug hilak sa kwatro anyos nga anak sa biktima hinungdan nga ilang giablihan ang balay ug didto nakita ang mangilngig nga kamatayon sa biktima.
Kustodiya sa mga kabanay ang bata samtang naa pa sa punerarya ang patay nga lawas sa biktima.
