Kapulisan padayon pa nga giimbestigahan sa motibo sa pagpusil sa opisyal sa transport coop sa dakbayan

GENERAL SANTOS CITY – Padayon ang imbestigasyon sa kapulisan sa nahitabo nga pagpamusil sa opisyal sa transport coop sa dakbayan.

Matud pa kang Police Capt. Quidilla sa Lagao Police station nga wala pay matudlo nga responsable sa pagpusil kang Larry Villegas nga residente sa Buayan ning syudad.

Sa imbestigasyon sa kapulisan nga wala makaila ang biktima sa suspek nga mipusil kaniya samtang gapanglimpyo atubang sa iyang panimalay sa miaging Marso 13,2022.

Gibutyag nga tulo ka buto sa pusil ang nadunggan sa lugar og paspas nga mi palayo ang duha ka lalaki nga nagsakay ug motorsiklo human sa insidente.

Si Villegas nakaangkon og samad sa tuo nga paa hinungdan nga gidala sa hospital.