GENERAL SANTOS CITY – Hugot na nga giimbestigahan sa kapulisan kung kinsa ang supplier sa usa ka bigtime drug suspect human kini nadakpan sa kapulisan sa usa ka inn ning dakbayan.
Balhog na karun sa Fatima Police Station si Sanny Lloyd Mamaluba Labarete, 30-anyos, ulitawo ug walay trabaho lumolopyo sa Doña Soledad Phase 3-A, Blk-3 Barangay Labangal.
Giandam na ang kasong atubangon sa nasampit sa kalapasan sa Section 5 ug 11 sa Article 2 sa R.A 9165 kon “Comprehensive Dangerous Drug Act Of 2002”.
Kahinumduman nga positibong napalitan ug illigal nga droga ang suspek sa usa ka pulis nga nagpakaarun-ingnon nga pusher buyer.
Gamit ang 1Million buybust money, gipahigayon ang transaksyon sa palitanay og droga sa usa ka inn dinhi sa dakbayan.
Nakuha sa kustodiya sa suspek ang napulo ka medium sachet sa gituohang shabu nga motimbang ug tunga sa kilo nga mobalor ug P4.2 million.
Sumala pa sa kapulisan nga dugay na nilang ginamonitor ang maong suspek sa ilegal niining gimbuhaton kung asa gawas -sulod kini sa syudad.
