GENERAL SANTOS CITY – Nagpabilin karon sa kustudiya sa mga otoridad ang usa ka high-value individual (HVI) human nga masikop sa intel-driven nga buy-bust operation sa mga otoridad.
Ang operasyon gipangunahan sa Regional Police Drug Enforcement Unit 12 (RPDEU12) lakip sa mga personahe sa Kidapawan City Police Station, ug sa koordinasyon sa Philippine Drug Enforcement Agency Region 12 (PDEA12).
Gidakop ang suspek nga giila sa alyas “Burana”, 41 anyos, residente sa Kidapawan City, ug gi-tag nga high-value individual sa ilegal nga drug trade.
Ato sa operasyon nakuha gikan sa suspek ang 10 ka sachet snga gituohang shabu nga mitimbang og 39.5 gramos nga nagkantidad og P268,600 subay sa National Standard Drug Price.
Nakuha usab ang buy-bust money nga P1,000 nga gigamit isip marked money.
