Anaa sa 309 ka ballistic missiles, hypersonic missiles, ug drones ang gipalupad sa Houthi rebels batok sa Israel sukad sa miaging Marso.
Gibutyag ni Abdul-Malik al-Houthi, leader sa Houthi rebel sa Yemen nga anaa sa 25 ka missiles ug drones ang ilang gilusad karong bulan sa Hunyo nga gitawag nila nga qualitative military operations isip suporta sa Gaza.
Matud pa sa grupo nga nagpabilin nga sirado ang Red Sea sa Israeli-linked maritime traffic og giakusahan ang Israel nga padayon ang pagpangatake sa Gaza sa suporta sa Amerika.
Gapanawagan ang grupo sa katawhan nga maghiusa sa usa ka halapad nga rally sa Sanaa ug sa ubang mga lugar nga kontrolado sa Houthi aron ipakita ang suporta sa mga Palestino ug paghatag og pasidungog sa Iran sa dakong kalampusan.
