Kapin na sa 105,000 ka mga estudyante naka-enroll sa GenSan

GENERAL SANTOS CITY – Mukabat sa 105,490 ka mga estudyante ang na-enroll sa dakbayan gikan kinder hangtud sa senior high school.

Matud pa kang Dr. Rommel Flores, GenSan Deped Supt. nga kini base sa labing ulahing report ngadto kaniya sa miaging Hunyo 26, 2020.
Gikadugang pa niini nga sa maong ihap 100,549 ang naka-enroll sa mga pampublikong tulunghaan og 4.935 sa mga pribadong mga tulunghaan.

Sa bahin sa Alternative Learning Schools (ALS) ang anaa sa 618 ang naka-enroll.

Ang SPED Non-Graded adunay 157 ang naka-enroll.

Hinoon kasagaran sa mga estudyante ang nag-enroll pinaagi sa Modular Learning- 74%, Online Learning-13%, Blended Learning-11%, . TV Based Instruction-1% og . Radio based Instruction-1%.