Kapin sa 256,000 ka Afghan ang Lumikas Gikan sa Iran niadtong Hunyo
Nisaka na sa 256,000 ka mga Afghan nationals ang ninghikling sa Iran niadtong bulan sa Hunyo , base sa taho sa United Nations International Organization for Migration (IOM).
Sumala sa IOM, 28,000 ka mga Afghan ang gikan sa Iran sulod lang sa usa ka adlaw .
Ang paghikling nasundan human magpagawas og mando ang gobyerno sa Iran nga ang tanang undocumented o wala’y legal nga papeles nga mga Afghan kinahanglan nga mobiya sa nasud sa dili pa moabot ang Hulyo 6
Base sa listahan sa IOM, sukad pa niadtong Enero, kapin na sa 700,000 ka Afghan ang nakabiya gikan sa Iran.
Mas misaka pa ang ihap sa mga milayas sa dihang misugod ang panagbangi tali sa Israel ug Iran, diin adunay mga ulat nga pipila ka Afghan ang gi-aresto tungod sa alegasyon nga naniktik o nagsuporta sa kontra.
Nagpadayon ang kahadlok ug kabalaka sa mga Afghan nga nagpuyo sa Iran, labi na kadtong wala sa hustong dokumento, tungod sa hulga nga pagpapauli o posibleng pagdakop.
