GENERAL SANTOS CITY – Mukabat sa kapin 200 ka mga magtutudlo ang kinahanglan sa DepEd GenSan sa pagkakaron.
Kini ang gibutyag ni Gensan Deped Supt Gildo Mosqueda kon asa sumala sa nasampit, sa maong ihap, kapin gatus niini ang i-hire aron magtudlo sa Senior High School og sa Grade 12.
Samtang dul-an sa 100 usab sa elementarya og dul-an 50 sa junior high school.
Gibutyag ni Mosqueda nga ang mga interesadong mag-apply ang angayan lamang muadto sa Deped Division Office sa Brgy. Lagao ning dakbayan og dalhon ang resume, application letter, transcript of records og uban pang credentials.
Matud sa opisyal nga ang mga i-hire nga magtutudlo ang alang sa pag-abli sa sunod nga klase alang sa school year 2017-2018.
Nasayran nga ang panginahanglanon sa daghang ihap sa mga magtutudlo human nga gipatuman ang K to 12 program sa gobyerno.
