Nanawagan si kanhi Senador Panfilo “Ping” Lacson kang Presidente Ferdinand Marcos Jr. aron luwason ang Konstitusyon pinaagi sa paggamit sa iyang line-item veto power sa 2025 budget bill.
Naa usab kini sa tunga-tunga sa pondo sa Department of Education (DepEd) nga matod niya usa ka kalapasan sa balaod.
Gipasiugda ni Lacson nga ang pagtibhang sa budget sa DepEd nakalapas sa Article XIV Section 5(5) sa 1989 Constitution nga nag-ingon nga ang Estado kinahanglang mogahin sa labing dakong kantidad sa pundo sa edukasyon.
Gitataw ni Lacson nga giputol sa Bicameral conference committee ang budget sa DepEd sa P737 bilyones apan nibubo og pundo sa Department of Public Works and Highways sa P1.113 trilyon.P12 bilyones ang nawala sa pundo sa DepEd gikan sa P748.6 bilyones.
Ang budget alang sa Commission on Higher Education ug state universities and colleges gikunhoran usab.
Nasagmuyo usab si Education Secretary Sonny Angara sa pag-spoliya sa mga sakop sa bicam sa gisugyot nga pundo sa iyang buhatan alang sa tuig 2025, nga mikunhod og dul-an sa P12 bilyones.
Imbes nga dugangan, matod niya giputol na kini, sukwahi sa naandan nga batasan sa Kongreso kung ang bicam budget alang sa sektor sa edukasyon ang gisusi.
