Nasurpresa si kanhi Overseas Workers Welfare Administration (OWWA) administrator Arnell Ignacio dihang nahibaluan nga gipasakaan siya og kaso sa pagpalit sa ahensya og P1.4 bilyones nga yuta.
Matod niya nga nigawas ang maong plano sa pagpalit sa yuta niadtong 2018 samtang deputy administrator pa lang siya.
Kauban niya ang pipila ka opisyal sa OWWA sa Senate hearing sa nasangpit nga isyu.
Iyang gitataw nga walay iregularidad sa nahisgutang kontrata tungod kay mikonsulta pa sila sa Department of Budget and Management samtang ang valuation sa yuta nga paliton sa Ninoy Aquino International Airport (NAIA) Terminal 1 gihimo mismo sa LandBank, diin nakuhaan usab sila og permit sa Civil Aviation Authority of the Philippines (CAAP).
Ang nasangpit nga yuta gamiton unta sa mga short-term resting places sa mga namalik nga overseas Filipino workers (OFWs).
