Gipalig-on sa Kamara ang pinal nga report sa Quad Comm niini nha nag-akusa kang kanhi Pangulong Rodrigo Roa Duterte og sa mga suod niya nga kaalyado silang Senator Ronald “Bato” dela Rosa og Christopher Lawrence “Bong” Go nga nag-orkestra sa kampanya sa mga pagpatay, pagprotekta sa mga drug trafficker og pagpagana sa halapad nga korapsyon pinaagi sa POGO.
Sa usa ka 66 nga panid nga report human sa 15 ka public hearing tali Agosto 2024 og Hunyo 2025, gibutyag sa Committees on Dangerous Drugs, Public Order and Safety, Human Rights and Public Accounts nga ang giyera ni Duterte kontra sa droga ang dili mabulag sa libuan ka extrajudicial killings nga gipagana niini.
Base sa report ang extrajudicial killings ang produkto sa war on drugs.
Ang committee report pirmado nilang Quad Comm lead chair Surigao del Norte 2nd District Rep. Robert Ace Barbers og co-chairs Santa Rosa City Rep. Dan Fernandez, Manila 6th District Rep. Bienvenido Abante Jr., og Abang Lingkod Rep. Joseph Stephen Paduano.
Si Barbers ang nag-sponsor sa committee report. Nadiskubre mismo sa Quad Comm batay sa pag-angkon ni Former Duterte nga siya ang nagsugo sa maong kamatay.
Samtang si Dela Rosa ang PNP Chief kaniadto samtang si Go ang gitumbok nga ‘facilitator’ sa reward payouts sa mga police operatives.
Giawhag sa Komite nga magpasaka og criminal charges for murder and crimes against humanity batok kang Duterte, Dela Rosa, Go, og mga senior police officials.
