GENERAL SANTOS CITY – Gipaniguro ni City PNP Director Col. Nicomedez Olaivar Jr. nga gipatuman niini sa mga sakop ang kamandu-an ni PRO 12 Director Brigadier General Percival Placer ang pagdeploy ug kapulisan sa mga kalsada, magtuyok ang mga patrol car sa kadalanan ug dili magparada sulod sa compound sa Police Station.
Gani takda nga magbutang ug blinker sa mga entrada sa police station aron makahibalo ang katawhan.
Gikadugang ni Olaivar nga siya mismo ang magmonitor niini aron masiguro nga gituman ang mga kamandu-ans a bag-ong labaw sa kapulisan sa rehiyon dose.
Kahinumduman nga duha ka hepe sa kapulisan sa syudad ang gipangayu-an ug katin-awan ni General Placer dihang maagi-an ang patrol car nga nag blinker daplin sa dalan apan dihang iyang gihunungan ug gisusi walay mga pulis nga nakita niini.
