Dakong kawad-on sa operasyon sa NPA ang pagkapatay sa ilang intelligence officer nga si John Nebris Omega, alyas “Parts,” “Bords,” “Albay,” og “Pards”.
Ang nasampit ang patay sa hiniusang pwersa sa militar og mga police sa iyang balay sa Block 4, Londres Village, Barangay Cannery Site, Polomolok, South Cotabato human misukol.
Gibutyag ni Brig. Gen. Roy Galido, commanding officer sa 601st Infantry Brigade, Philippine Army nga si Omega, nga i-serve unta ang warrant of arrest kang Omega.
Ang nasampit ang gaatubang og kasong kidnapping, serious illegal detention, og robbery nga gi-isyu kaniadtong April 22, 2019 sa Regional Trial Court Branch 14 sa Davao City.
Si Omega ang intelligence officer sa Communist Party of the Philippines (CPP)-NPA’s Komisyon Mindanao, kanhing miyembro sa Regional Operations Command-R2, intelligence unit sa NPA-Southern Mindanao Regional Committee (SMRC), og nagserbisyo sa squad special operations group sa maong grupo.
Nasayran nag ang nahisgutan ang nalambigit sa nagkadaiyang kremin susama sa pag-atake sa CAFGU detachments sa Sitio Kamaruyan, Tagugpo, Lupon, Davao Oriental kaniadtong 2004, lakip ang pagsulong sa Magpet police station sa North Cotabato, kaniadtong 2005; Dangcagan police station sa Bukidnon kaniadtong 2007; og , Banay-Banay police station sa Davao Oriental tuig 2008.
Apil gihapon ang nasampit sa pag-atake sa police station sa San Isidro, Davao Oriental; CAA detachment sa Luz Village, M’lang town 2010, police stations sa Governor Generoso og Lupon Davao Oriental og New Corella sa Davo del Norte.
Nalambigit usab ang nasampit sa pagatake sa Tampakan municipal police station sa South Cotabato kaniadtong 2009, og pagdagit kang Lingig, Surigao del Sur Mayor Henry Dano kaniadtong 2011.
