Journalist nga si Bernadette Sembrano-Aguinaldo nabiktima ug kawatan sa Switzerland

Nipaambit ang journalist nga si Bernadette Sembrano-Aguinaldo nga biktima sila sa kawatan samtang nagbakasyon sa Switzerland.

Sa iyang social media account, iyang gipaambit ang hitabo diin nawala ang backpack sa iyang bana.

Nagsakay sila sa usa ka first class nga train dihang nagduda siya nga usa ka lalaki nga kaubang pasahero ang mikuha sa bag sa iyang bana.

Namatikdan lang niya kini sa dihang nanaog na sila.

Gumikan niini, iyang gitambagan ang mga kaubang turista nga mag-amping kanunay tungod kay wala gyud siya maghuna-huna nga aduna pa diay mga kawatan nga magkatag sa maong nasud.