Nanumpa na kay Pangulong Ferdinand Marcos Jr. si Maria Bernardita “Dita” Angara-Mathay bilang bagong acting secretary ng Department of Tourism (DOT).
Pinalitan niya si Christina Frasco na nagsilbi mula Hunyo 2022 hanggang Marso 2026 at inilipat bilang Presidential Adviser for Sustainable and Resilient Communities.
Ayon sa palasyo, si Angara-Mathay ay isang beterano sa larangan ng trade at investment, at may karanasan sa International Economic Engagement, kabilang ang Trade Promotion at Investment Facilitation.
Bago ang kaniyang appointment, nagsilbi si Angara-Mathay bilang commercial counselor at Special Trade Representative sa Tokyo, kung saan nakipagtulungan siya sa mga kumpanyang Hapones para palakasin ang ugnayang pangkalakalan ng Pilipinas.
Samantala, nanumpa na rin sa pwesto bilang Executive Director ng Philippine Center on Transnational Crime si Major General Romeo Prestoza.
