GENERAL SANTOS CITY – Mangitngit nga pasko ang nagpaabot sa mga job orders ug casual employees nga na hire sa buhatan sa Vice Mayor ug Sanggunian Panlungsod human gideklara nga dili haum sa Department of Budget and Management (DBM) ang giaprubahan nga budget sa Sangunian Panglungsod.
Sa sulat nga pinitsahan Oktobre dyes gibasura sa DBM ang apela ni Vice Mayor Rosalita Nunez ug sa Konseho nga i reconsider ang ulahi nga desisyon nga ang pundo nga nagkantidad ug P9,994,174.08 ang wala maapil sa Executive Budget.
Gi cite sa DBM ang Republic Act No. 7160 kon Local Government Code of the Philippines nga nagdili sa sanggunian nga iapil ang bag-ong items gawas na lamang sa statutory ug contractual obligations.
Gipugngan usab sa DBM Central Office ang supplemental budget no.1 ilawom sa Appropriation Ordinance no.5 series of 2023 samtang magpahigayon ug review.
Nasuta nga adunay 64 ka mga job order ang buhatan sa Vice Mayor samtang 67 sa SP secretariat.
Sumala kang City Administrator Atty Francklin Gacal Jr. nga sa 2023 Annual Budget ang Sanggunian adunay nahibilin nga budget nga P4 million nga pangbayad sa sweldo hangtud sa bulan sa Septembre.
