GENERAL SANTOS CITY – Gihingusgan karon ni Kagawad Jeng Gacal nga kung dili mag-aksyon ang kapulisan sa STL kon Small town lottery sa dakbayan maghimo kini og legal nga pamaagi.
Kini human nga gipaabot ni Atty Adriel Gran sa legal department sa PNP 12 ngadto sa konseho atol sa session kagahapon nga mipabor ang legal department sa campo krame sa iyang opinyon kalabot sa STL sa syudad kon asa iligal ang operasyon niini.
Kini base sa RA 9649 ang charter sa General Santos.
Dihang gihinabi sa Bombo Radyo, wala kapugngi ni Kag. Gacal nga ipakita ang kalagot ngadto kalabot sa OIC City PNP Director PSr.Supt Ruel Berango.
Kini human nga gikanayon sa opisyal sa GSCPo nga wala niya gipatuman ang balaod gumikan gisunod niya ang gisulti ni Mayor Ronnel Rivera nga maoy may kontrol sa PNP samtang wala pa nakaproseso sa mga dokomento alang sa concurrence.
Suko nga gibutyag nin Kag. Gacal nga dili balaod si Mayor Rivera nga maoy tumanon ni Berango.
Gumikan niini nakaluwat og pahayag ang konsehal nga basin matud pa bayad si Berango sa STL og TRENTO Gaming Corporation.
Kahibaluan nga nahimong mainiton nga hisgutanan atol sa session sa SP ang kontrobersiya sa STL.
Ug gani kahinumduman nga una ng namahayag si Beranggo nga hulaton niya ang legal opinion kalabot sa STL human nga miangkong naipit tali sa SP og PCSO.
