Gikataho nga kapin sa 50 ka tawo ang namatay human sa sunod-sunod nga mga pag-atake sa Israeli forces ug drone sa mga lugar sa Gaza diin ang mga tawo naghuot aron mangayo og ayuda.
Sumala sa mga health workers ug mga testigo sa Gaza, ang panibag-ong kasamok mitabo niadtong Martes samtang ang mga Palestino naglinya sa mga aid distribution sites. Wala pa masiguro ang eksaktong ihap sa mga namatay, apan gibanabana nga naglangkob kini og kapin sa 50 ka tawo.
Kini nga panhitabo nahitabo duol sa mga lugar nga gitukod alang sa Gaza Humanitarian Foundation (GHF), usa ka programa nga giaprobahan sa Israel ug Estados Unidos.
Ang UNWRA, ang ahensiya sa UN para sa mga refugee nga Palestino, mikomentaryo nga kini nga mga aid sites mahimong usa ka “death trap.”
Gireport usab ni Hani Mahmoud nga adunay mga napatay sa Gaza City ug sa syudad sa Rafah sa habagatang bahin sa teritoryo.
Padayon ang kabalaka sa kalibutan sa kalisod nga giatubang sa mga sibilyan sa Gaza.
