Hezbollah leader Hassan Nasrallah napatay sa Israel

Gikumpirma sa militanteng grupo nga gipatay sa militar sa Israel ang lider sa Hezbollah nga si Hassan Nasrallah sa usa ka airstrike sa miaging Biyernes sa Beirut, Lebanon.

Gipunting sa mga fighter jet sa Israel kaniadtong Biyernes ang headquarter sa militanteng grupo, nga nahimutang sa usa ka lugar sa habagatang suburb nga nailhan nga Dahiyeh,

Matud pa sa Israel Defense Forces (IDF) nga si Nasrallah ang nagpasiugda sa mga kalihokan sa terorista batok sa Israel.

Gihulagway sa Hezbollah si Nasrallah nga usa ka “sagrado nga martir” ug misaad nga ipadayon ang pagpakig-away niini batok sa Israel.

Sumala pa sa grupo nga ang ilang lider napatay human sa usa ka “maluibon nga Zionist airstrike sa Israel.