Mibalos ang Israel sa mga airstrike sa kapital sa Yemen nga Sanaa human ang mga rebeldeng Houthi nagpabuto og mga missile sa Israel.
Ang mga airstrike sa Israel nakapatay sa unom ka mga tawo ug nakaangol sa 86 pa, sumala sa tigpamaba sa Houthi Health Ministry.
Ang mga airstrike sa Israel mao ang pinakaulahi sa kapin sa usa ka tuig nga pagbinayloay og atake tali sa Israel ug mga militanteng Houthi sa Yemen isip kabahin sa spillover gikan sa gubat sa Gaza.
Sumala sa Israeli Defense Forces, ang mga target naglakip sa usa ka compound sa militar kung asa anaa ang presidential palace, duha ka mga power plants ug usa ka fuel storage site.
Gipasabot usab sa militar sa Israel nga ang mga airstrike gihimo isip tubag sa balik-balik nga pag-atake sa rehimeng Houthi batok sa estado sa Israel ug sa mga sibilyan niini, lakip na ang paglusad sa rebeldeng grupo sa mga surface-to-surface missiles ug unmanned aerial vehicles ngadto sa teritoryo sa Israel sa nakalabay nga mga adlaw.
