-- ADVERTISEMENT --
Giangkon ni Iranian President Masoud Pezeshkian nga walay bisan unsang kasiguruhan kon kanus-a o mahuman ba gayod ang nagpadayong panagbangi nga naglambigit sa iyang nasod, sa Estados Unidos, ug sa Israel.
Atol sa gipahigayon nga tigom sa iyang gabinete, gipasalig ni Pezeshkian nga ang iyang gobyerno naghimo na og tanang gikinahanglang mga lakang aron malikayan sa Iran ang mas dako ug mas grabe nga kagubot sa rehiyon.
Gihingusgan niini nga gamiton sa Iran ang tanan nila nga kapasidad ug kapabilidad aron mapanalipdan ang nasod ug makab-ot ang kalinaw.
Ang maong pahayag gipagawas taliwala sa mga paningkamot sa pipila ka mga nasod nga maundang na ang gyera.
