Gisiguro ni Quad Comm lead chair Surigao del Norte Rep. Robert Ace Barbers nga himuon nila ang tanan sa ilang makaya aron mabuhat ang ilang responsibilidad isip mga magbabalaud aron makab-ot sa mga biktima sa extra judicial killings ang hustisya.
Gibutyag ni Barbers nga wala natulog ang hustisya, ilang pakigbisugan ang tanang katungod, ang katungod nga mabuhi nga walay kahadlok, gawasnon og adunay dignidad.
Gisiguro usab ni Barbers nga ipadayon sa Quad Comm nga paminawon ang istorya sa mga biktima og testigo aron makab-ot ang hustisya.
Sumala kang Barbers abli ang Quad Comm sa mga biktima, kabanay sa mga testigo nga gustong ipaambit ang ilang masub-anon nga kasinatian.
Gitino ni Barbers nga ang mga testigo nga moatubang sa pagdungog sa Komite ang nahimong inspirasyon sa gihimo sa Quad Comm kabahin sa Barayuga murder case.
Gipaklaro usab ni Barbers nga wala silay gustong dauton nga mga indibidwal kun dili mahunong ang pagpangabuso sa gahom, pagpangilad og pagpahimulos sa mga langyaw, pagpangawat sa panudlanan sa gobyerno og pagpatay sa walay igong rason, konsiderasyon sa tawhanong katungod baylo sa saad sa kuwarta, promosyon sa posisyon o pagbalik sa serbisyo.
Gihatagan og gibug-aton sa Kongresista nga ang konstitusyon naghatag sa Kongreso og gahum sa pag-imbestigar aron makahimo og mga balaod nga manalipod sa katawhan batok sa sayop nga binuhatan.
