Dili magamit panahon sa kalag kalag ang mga hot cars ug kwestyunable nga mga motorsiklo.
Kini tungod sa presensya sa mga enforcer sa Land Transportation Office ug mga sakop sa Highway Patrol Group.
Sugod kagahapong adlawa naa ang presensya sa nahisgutang mga enforcer aron pangitaon ang lisensya ug rehistro sa mga sakyanan.
Matud pa nga kabahin ang taga Highway patrol Group ug LTO sa pagpahugot sa seguredad aron mahimong hapsay ang dagan sa trapiko paingon sa mga sementeryo.
Lakip sa gibawal sa nahisgutang mga enforcer ang paggamit ug mini traysikel nga gitawag ug sikad nga hugot gibawal nga muagi sa National Highway.
Gibawal usab ang sobra sa duha nga sakay sa motorsiklo hinungdan nga daghan ang naisyuhan ug tiket kagahapong adlawa.
Dili ikalimod nga panahon sa kalag kalag daghan sa mga residente ang mubisita sa mga sementeryo gamit ang sikad unit ug uban pang moda sa transportasyon aron mabisita ang mga namatay nga kabanay.
