Gibutyag ni Dr. Arvin Alejandro, Provincial Health Officer sa Sarangani, nga misaka ang aktibong pagpangita ug pag-ila sa mga posibleng kaso sa HIV sa probinsya.
Matod niya, gipakusgan sa provincial health office ang mga inisyatibo alang sa mas sayo nga pag-ila sa mga tawo nga posibleng natakdan sa HIV.
Kabahin niini ang pagpalapad sa mga pamaagi sa screening ug paghatag og saktong impormasyon bahin sa HIV aron madasig ang mga tawo nga magpa-test.
Gipasiugda usab ang kamahinungdanon sa sayong pagkahibalo sa kahimtang aron mas dali nga mahatagan og tukmang tambal ug suporta ang mga positibo sa HIV.
Samtang, padayon nga giawhag ang publiko nga magpakonsulta ug magpa-test sa mga health facility nga naghatag og HIV services aron malikayan ang dugang nga transmission sa maong sakit.
