GENERAL SANTOS CITY – Gikuha gilayon sa mga opisyal sa Glan, Sarangani province sa pantalan sa dakbayan ang historical marker alang sa Batulaki gikan sa National Historical Commission of the Philippines (NHCP) alayon sa kasaulogan sa ika-500 ka tuig nga anibersaryo sa expedition sa grupo nilang Sebastian Elcano og Ferdinand Magellan.
Sa pagkakaron andam na ang maong dapit nga gilauman nga mahimong tourist attraction.
Gibutyag sa kasaysayan nga miagi sa Batulaki ang grupo ni Elcano una milahos sa Balut Island og Sarangani Island, Sarangani, Davao Occidental.
Kahibaluan nga 34 ka mga quincentennial historical marker ang ibutang sa mga dapit nga giagian nilang Elcano.
Gawas sa Glan adunay quincentennial historical marker nga ibutang usab sa Kamanga, Maasim, Sarangani Province.
Base sa kasaysayan nga kaniadtong Oktobre 19, 1521 nakaagi ang grupo ni Elcano sa Cotabato City, kaniadtong October 25 sa Kamanga, Maasim, October 26 sa Brgy. Batulaki, Glan, October 27 sa Balut Island og October 28 sa Sarangani Island, Sarangani, Davao Occidental.
