GENERAL SANTOS CITY – Dakong hagit matud pa sa mga healthcare workers ang pag awhag sa mga senior citizens nga magpabakuna na batok sa Covid-19 kini ang gibutyga ni Dr. Jett Oco, local IATF incident comnmander.
Apan gihingusgan niini nag dili sila muhunong sa pagkumbinsi sa mga nasampit nga magpabakuna na.
Matud kaniya nga mas luwas kung magpakuna na o magpabooster shot tungod kini ang mamahimong panagga sa katawhan batok sa maong virus hilabi na kaorng nga may bag ong variant nga nadiskubre sa laing nasud nga gitawag ug Omicron XE ug ugaling man nga makasulod sa Pilipinas, aduna nay proteksyon pinaagi sa bakuna busa karon pa lamang nga wla pa makasulod ang maong variant, angayan nga magpabakuna na.
Gikabutyag ni Dr, Occo nga oras nga matakdan sa COVId 19 ang mga nasampit dako ang posibilidad nga maospital tungod uubos ang ilang immune system.
Sa pagkakaron anaa sa 23,783 o 52.53% sa mga senior citizen ang nakadawat sa first dose og 25,424 o 56.16% ang fully vaccinated kung asa daghan pa angayang mabakunahan una makaabot sa 70% nga rekositos aron mapailawom ang syudad sa alert level 1.
Samtang nagpahimangno usab kini nga dili magkumpiyansa bisan paman nga mikunhod na ang kaso sa covid sa nasud gumikan mamahimong kining mutaas kung magkampante pinaagi sa dili pagsunod sa social distancing , wla pagsul ob ug face mask ingon man pag adto sa daghang tapok sa tao.
