MALAPATAN, SARANGANI – Stranded karon ang health workers nga misaka sa kabukiran sa Brgy Upper Suyan, Malapatan nga nagpahigayon ug pagbakuna gumikan sa matud pa measles outbreak sa lugar.
Gumikan kini sa presensya sa mga rebelde sa lugar, base sa impormasyon gikan sa militar.
Ug gani, tulo ka adlaw na matud pang stranded ang nasampit nga grupo sa sitio nga apektado matud pa sa outbreak sa nasampit nga sakit.
Kahibaluan nga gatusan an ka tawo ang nabakuhanan sa lugar ug nakuhaan ug blood samples nga gipadala sa RITM sa Maynila, aron matumhok kon tipdas gayud ang miigo nga sakit sa lugar.
Gumikan niini, nanawagan si Sarangani Governor Steve Chiongbian Solon sa mga rebelde o unsa mang armadong grupo sa lugar nga dili ikompromiso ang kahimsog sa mga apektadong residente sa tibdas.
Kahibaluan nga ning adlawa misaka ang ikaduhang grupo sa medical team sa mga apektadong sitio sa Upper Suyan, kung asa misakay na lamang sila ug chopper aron makaabot sa lugar.
