Gipirmahan ni US President Donald Trump isip balaod ang usa ka halapad nga sanctions package batok sa Russia ug Iran nga gipasa sa Kongreso nga nakadawat og talagsaong suporta gikan sa duha ka partido.
Ginganlan kini og “Lindsey O. Graham Sanctioning Russia and Iran Act of 2026,” ug target sa balaod si Russian President Vladimir Putin, mga taas nga opisyal, oligarchs, ingon man ang sektor sa enerhiya ug depensa sa Moscow.
Usa sa importanteng probisyon niini mao ang paghatag og gahum kang Trump nga magpahamtang og hangtod 100% nga taripa sa lima ka pinakadakong mamalitay sa lana ug gas sa Russia, ilabina ang China ug India.
Gipasa ang maong balaod aron mapakunhod ang pondo sa Kremlin alang sa gubat niini sa Ukraine ug pugson si Putin nga makigsabot ubos sa gitawag nga “maximum pressure”.
Samtang, gihulagway ni Ukrainian President Volodymyr Zelenskyy ang balaod isip usa ka gamhanang himan, nagpasidaan usab si House Minority Leader Hakeem Jeffries nga mahimong mosaka ang presyo sa mga palaliton alang sa mga pamilyang Amerikano tungod sa mga probisyon sa taripa.
