GENERAL SANTOS CITY – Gipasigarbo ni P/S/Supt. Romeo Ruel Berango nga subling nahimong finalist ang General Santos City Police Office isip Best City Police Office sa tibuok nasud alang sa 2016.
Matud pa sa OIC City Director sa kapulisan dakbayan, hugot nga kaatbang sa dakbayan ang Angeles City Police Office og Iligan City Police Office.
Kagahapon, nahidangat sa dakbayan si PCSupt. Eduardo Garado, Directorate for integrated Police operations sa PNP sa Southern Luzon isip kabahin sa validating team.
Matud pa ni PSupt. Lauro Espida, tigpamaba sa GSCPO nga gitan-aw sa opisyal ang tanang gisumite nga dokumento nga gisumite sa National headquarters kon tinuod kini.
Lakip niini gikan sa imbestigasyon, operasyon, PCR, intelligence report og tanang accomplishments sa GSCPO sa miaging tuig.
Galaum si Supt. Espida nga makuha sa dakbayan ang maong psidungog.
Kahibalun nga nasungkit sa GSCPO ang Best City Police Office sa tibuok nasud niadtong 2010 og 2011
