Gipakusgan sa General Santos City Police Office o GSCPO ang seguridad palibot sa mga eskwelahan ubos sa programang “Safe and Secured Gensan.”
Gipunting sa programa ang mas kanunay nga police visibility sa palibot sa mga eskwelahan, ilabina sa oras sa pag-abot ug pag-uli sa mga estudyante.
Nagpatuman usab ang kapulisan og foot ug mobile patrols aron mas dali nga mamonitor ang kahimtang sa palibot sa mga eskwelahan ug matubag dayon ang posibleng insidente.
Motabang usab ang mga pulis sa pagdumala sa traffic ug pagtabok sa mga pedestrian aron malikayan ang disgrasya, ilabina sa mga lugar nga daghang estudyante.
Lakip usab sa ilang giandam ang paspas nga pagresponde sa bisan unsang hulga sa seguridad, lakip ang mga kahina-hinalang lihok o insidente nga mahimong makaapekto sa kaluwasan sa mga estudyante ug personnel sa eskwelahan
