Wala sa regulasyon ug sa kontrol sa gobyerno ang pagsaka sa presyo sa lana, tungod kini nagbase sa presyo sa world market.
Matud ni Professor Mayong Aguja sa MSU Gensan, ang mahimo ra sa gobyerno sa ingon ani nga sitwasyon mao ang pagbutang og price ceiling aron bantayan ang presyo ug malikayan nga magpahimulos ang mga nagabaligya ug lana pinaagi sa sobra-sobra nga presyo.
Gipasabot pa niya nga sa karon, walay laing kapilian ang katawhang Pilipino kondili mopalit sa mahal nga lana o dili na lang gayud gamiton kini.
Ang kahimtang nagpasiugda sa dako nga epekto sa adlaw-adlaw nga gasto sa mga pamilya ug negosyo, ilabi na karong panahona nga padayon ang tensyon sa Middle East nga nakaapekto sa suplay ug presyo sa krudo sa internasyonal nga merkado.
