GENERAL SANTOS CITY – Gisaway ni Kag. Dominador Lagare Jr., chairman sa committee on Transportation sa konseho, ang contractor og ang mga personahe sa Department of Public Works and Highways gumikan hangtud karon wala natuman ang gisaad nga palapdan ang dalan sa kilid samtang padayon ang construction sa Mabuhay Underpass.
Matud pa niini nga unom na ka bulan nga nagsugod ang construction og dugay na nga girekomenda nga palapdan ang dalan matag kilid apan hangtud karon wala pa nahitabo.
Samtang namatikdan usab sa nasampit nga opisyal gamay lang ang gatrabaho sa sulod sa construction site hinungdan nga gipangayuan og pagpaklaro kalabutan niini.
Nasayran nga usa ka lane lang ang giagian matag kilid sa dalan hinungdan nga taas ang trapiko ilabi pa panahon sa rush hour.
