Nangandam na ang Gilas Pilipinas alang sa exhibition game batok sa Jordan.
Gipasalig ni Gilas Pilipinas coach Tim Cone nga grabe ang ilang exhibition game batok sa Jordan sa dili pa sila makigsangka sa FIBA Asia Cup nga ipahigayon sa Saudi Arabia.
Matod ni Cone, ang dula kontra sa Jordan ang kataposan sa dili pa magsugod ang FIBA Asia Cup karong Agosto 5.
Katapusan nilang gikasangka ang Jordan niadtong gold medal match sa 19th Asian Games sa Hangzhou, China diin midaog ang Pilipinas, 70-60.
Pahimuslan sa Gilas Pilipinas ang pagkawala ni kanhi NBA player ug PBA import nga si Rondae Hollis-Jefferson.
Bisan kung nalista si Hollis-Jefferson sa final 12 sa Jordan, dili siya maapil sa ilang exhibition game.
Ang Jordan naa sa Group C kauban ang China, India ug Saudi Arabia samtang ang Gilas Pilipinas naa sa Group D kauban ang New Zealand, Chinese Taipei ug Iraq.
