Gunit na sa Oklahoma City Thunder ang 2-0 nga abante human nila mapildi ang Phoenix Suns sa ikaduhang sunod nga dula.
Mibalik og dominante nga performance ang defending NBA champion ug dayon gipatilaw sa Suns ang 23-point deficit sa pagtapos sa 3rd quarter.
Naningkamot pa ang Phoenix nga makabawi sa ulahing bahin sa dula apan 10 points lamang ang ilang nabawi hangtod sa natapos ang regulation.
Sa ikaduhang playoffs game ni Shai Gilgeous-Alexander karong postseason, nakahimo siya og 37 points gikan sa 13 ka field goals ug perpekto nga 9 free throws. Tag-19 points usab ang nahatag sa duha ka forward nga sila Jalen Williams ug Chet Holmgren.
Para sa Phoenix, nihatag og impresibong performance ang ilang big three nga sila Dillon Brooks, Jalen Green, ug Devin Booker.
Bisan pa niini, wala gihapon kini nakatabang kay ang ilang gihiusang 72 points dili igo tungod sa kahuyang sa ubang players sa grupo.
Aduna pay higayon ang Suns nga maka-equalize sa Game 3 nga pagahimuon na sa Phoenix.
