Gidominar sa Rain or Shine Elasto Painters ang Magnolia sa iskor 91-82 sa PBA 50th Season Commissioner’s Cup.
Nagpabilin sa unang pwesto ang Elasto Painters nga adunay walo ka daog ug usa ka pildi sa duwa nga gihimo sa Ninoy Aquino Stadium.
Mipanguná sa kadaugan sa Painters si Gian Mamuyac nga nakapuntos og 25 points samtang adunay usab 25 points ug 14 ka rebounds si Jaylen Johnson.
Gidayeg ni Rain or Shine coach Yeng Guiao si Mamuyac tungod kay siya ang nagdala sa grupo aron sila makadaog.
Nasayang ang nahimo nga 17 points ug 11 ka rebounds ni Clint Chapman samtang adunay tig-16 ka puntos sila Jerome Lastimosa ug Zavier Javier alang sa Magnolia.
Aduna na’y upat ka daog ug lima ka pildi ang Magnolia, parehas sa San Miguel Beermen alang sa ikapitong pwesto.
