Gikumpirma ni Justice Secretary Fredderick Vida nga ang kanhi kongresista nga si Zaldy Co ang wala na sa kustodiya sa Czech Republic.
Sa usa ka press briefing nga gihimo sa Philippine Embassy in Prague, giingon ni Vida nga nakadawat sila og kumpirmasyon gikan sa Czech authorities nga nakaikyas o wala na sa ilang pagdumala si Co.
Bisan pa niini, adunay “workable intel” nga nagpasabot nga si Co anaa gihapon sulod sa Schengen Area — usa ka grupo sa 29 ka nasod sa Europa nga walay border control sa ilang mga utlanan.
Matod sa kalihim, dili pa nila mahibal-an ang eksaktong lokasyon ni Co tungod sa mga patakaran sa Schengen ug data privacy. Apan, gikumpirma nga nagbiyahe siya pinaagi sa yuta (land travel), ug adunay impormasyon ang mga otoridad kabahin sa sakyanan ug driver nga iyang gigamit.
Nagpadayon ang operasyon sa mga otoridad sa Pilipinas ug Europa, mao nga wala pa gihatag ang dugang detalye sa publiko.
Ang Czech Republic adunay utlanan sa Germany, Austria, Poland, ug Slovakia, nga posible niyang agian samtang naglihok sulod sa Schengen area.
