Giingong sakyanan nga biktima sa rent tangay didto sa Kauluhan, narekober sa HPG-12

GENERAL SANTOS CITY- Narekober sa Highway Patrol Group(HPG)12 ang giingong sakyanan nga biktima sa rent tangay didto sa Kauluhang Maynila.

Matud ni Police Chief Instr Daniel Antonio Dueda nga ila nang narekober ang usa ka unit sa Montero nga gidala sa South Cotabato.

Wala una gipanganlan sa opisyal ang naghupot sa naasoy nga sakyanan nga kustudiya karon sa ilang buhatan.

Dinhi sa rehiyon dose, kini pa lamang nga kaso sa rent tangay nga ilang narekober luyo nga gihuptan ang kamandu-an ni General Antonio Gardiola ang labaw sa Highway Patrol Group nga bawi-on ang mga sakyanan nga nabiktima sa rent a car ug gibaligya sa publiko.

Gikadugang pa sa opisyal nga tulo ka adlaw usab nilang gipanid-an nga mugawas ang sakyanan una kini narekober.