GENERAL SANTOS CITY – Iduso sa executive department sa Sangguniang Panlungsod nga aprobahan ang Memorandum of Agreement tali sa lokal nga gobyerno sa GenSan, Astrazeneca og sa national government kalabutan sa pagpalit sa syudad og bakuna batok sa COVID 19.
Matud pa kang Mayor Ronnel Rivera nga ang syudad ang migahin og inisyal nga P200 million alang sa maong bakuna nga gigama sa Astrazenca alang sa 320,000 vaccines.
Sa iyang pamahayag nga Astrazenca ang napilian sa syudad gumikan mas barato itandi sa laing mga bakuna gawas pa nga dili problema kung hisgutan ang storage facilities gumikan sa Pfizer manginahanglan og negative 70 degrees nga temperatura.
Gipaklaro ni Mayor Rivera nga ilang gihulat pa kung pila ang ihatag sa national government nga bakuna tungod ang syudad ang usa sa mga prayoridad nga unang mahatagan og bakuna.
Gibutyag pa niini nga ang maong P200 million ang dugangan pa gumikan target nga mabakunhan ang 85% sa 650,000 ka mga residente sa dakbayan.
