GENSAN – Nagpabilin nga luwas ang General Santos City batok sa krimen, bisan pa man sa mga bag-ong hitabo sa pagpamusil sa syudad.
Kini ang gibutyag ni Police Col Nicomedes Olaivar Jr., hepe sa General Santos City Police Office (GSCPO).
Sa kasamtangan, upat na ka insidente sa pagpamusil-patay ang natala sulod lang sa buwang Hunyo, lakip na ang pagkamatay sa kanhing radio broadcaster nga si Ali Macalintal.
Apan giila kini ni Col. Olaivar isip mga “isolated cases”, ug dili kini nakahatag og hulga sa kinatibuk-ang kaluwasan sa syudad.
Dugang pa niya nga padayon ang ilang pagbantay ug operasyon batok sa mga armadong grupo ug kriminal nga naningkamot nga magpahimulos sa dakbayan.
Giangkon usab niIni nga luwas nga poy-an ang Gensan ug nagpabiling “very safe” ang kahimtang sa seguridad, nga gikasaligan sa mga residente ug mga turista nga mobisita sa syudad.
