GENERAL SANTOS CITY – Mukabat sa 20 ang bag-ong kaso sa COVID 19 nga natala sa Region 12 base sa labing ulahing report sa Department of Health-Center for Health Development (CHD) SOCCSKSARGEN Region.
Gumikan niini 1,853 na ang katibuk-ang kaso sa Region 12, samtang 583 ang active cases, 48 ang patay og 1,221 ang nakarekober.
Ang GenSan ang nadugangan og pito ka positibo sa COVID 19 nga sa pagkakaron mukabat na sa 504 kung asa 222 ang active cases.
Ang gapanguna sa listahan nga may labing daghang kaso sa COVID 19 ang South Cotabato nga may 538 ka kaso og 152 ang actives cases.
Ang ikatulo ang Cotabato City nga anaa sa 369 og 120 ang active cases.
Ang North Cotabato 163 ang kaso og 52 ang aktibong kaso.
Ang Sarangani 141 ang kaso sa virus og 16 ang active cases samtang 138 ang kaso sa Sultan Kudarat og 21 ang actives cases.
Nasuta nga mukabat sa 19 ang bag-ong nakarekober sa talaan nga gipagawas sa DOH 12 kagabii.
